07.06.2017


ԱՊՀ անդամ երկրների սահմանապահ զորքերի շտաբերի պետերն այցելեցին Ծիծեռնակաբերդ՝ Հայոց ցեղասպանության զոհերի հուշահամալիր: Պատվիրակության անդամները ծաղիկներ դրեցին հավերժական կրակի մոտ և մեկ րոպե լռությամբ հարգանքի տուրք մատուցեցին Հայոց ցեղասպանության անմեղ նահատակների հիշատակին։

ԱՊՀ երկրներից ժամանած հյուրերն այցելեցի նաև Հայոց ցեղասպանության թանգարան, ծանոթացան Մեծ եղեռնի պատմության ողբերգական դրվագներին։

Թանգարանում կատարած շրջայցից հետո պատվիրակության անդամները գրառում կատարեցին Պատվավոր հյուրերի հուշամատյանում։