www.armenian-genocide.org/index.htmՀայկական Ազգային Ինստիտուտի (ANI) ինտերնետային կայքը Հայոց ցեղասպանության ուսումնասիրմանն ու ճանաչմանը նվիրված հզոր կայքերից մեկն է: Այն գիտահետազոտական մեծ կենտրոն է` բաղկացած բազմաթիվ պաշտոնական փաստաթղթերից, այդ թվում` պաշտոնական զեկուցագրեր, մեջբերումներ ԱՄՆ նախագահների ելույթներ, Հայոց ցեղասպանության միջազգային ճանաչման գործընթացին առնչվող նյութեր, լուսանկարներ, քարտեզներ, ժամանակագրություն, բանաձևեր, մատենագիտություն, ինչպես նաև կրթական ծրագրեր ևն:
Փաստաթղթեր Գերմանիայի պետական արխիվներից:
Կայքը ստեղծվել է` աջակցելու Կրթական Ստանդարտների Վիրջինիայի Բաժանմունքին` պատմության, սոցիոլոգիայի ուսուցիչների համար նախատեսված ուսուցման և կրթական ծրագրերի կազմակերպման գործում: Դասերը և ուսուցման ուղեցույցը ներկայացված են, ինչպես հոլոքոստը, այնպես էլ այլ ցեղասպանությունների հետ համեմատական կոնտեքստում:
Հայոց ցեղասպանությանը (1915-1923) և Սուլթան Աբդուլ Համիդի 1894-1896թթ. կազմակերպած կոտորածներին վերաբերող երկլեզու (պարսկերեն և անգլերեն) ինտերնետային կայք: Այն ներառում է բազմաթիվ պարսկական պաշտոնական և միջազգային այլ փաստաթղթեր, լուսանկարներ, քարտեզներ, տեսաֆիլմեր, լուրեր և հոդվածներ` հրատարակված BBC-ի կողմից, այդ թվում և պարսիկ գրող Սայեդ Մոհամադ Ալի Ջամալզադեի դիտարկումները, մանրամասներ` նախագահ Խաթամիի` Հայոց ցեղասպանության Հուշահամալիր այցի վերաբերյալ:
Հայոց ցեղասպանությանը վերաբերող գրքերի ու հոդվածների մանրակրկիտ ընտրված ցանկ` դրանցից յուրաքանչյուրի համառոտ մեկնաբանությամբ: Կայքը ընդգրկում է սկզբնաղբյուրներ (փաստաթղթեր, լուսանկարներ), Հայոց ցեղասպանության վերաբերյալ ուսումնասիրություններ, հիմնարար աշխատություններ:
Ժամանակակից հայկական հետազոտությունների և փաստագրման Զորյան Ինստիտուտը գործում է Կանադայում և ԱՄՆ-ում: Հաստատության խնդիրն է «հայ ժողովրդի ներկայիս և ապագա կյանքին առնչվող նյութերի փաստագրմամբ, ուսումնասիրությամբ, տարածմամբ զբաղվող գիտական կենտրոնի գործունեության ապահովումը համաշխարհային պատմության կոնտեքստում»: Ներկայացված են փաստաթղթեր ու գրքեր, որոնք օգտակար են Հայոց ցեղասպանության` ավելի ծավալուն դասընթացներ ծրագրող ուսուցիչների համար: Կայքը ունի նաև 1894-1896թթ կոտորածների և ցեղասպանության ժխտման վերաբերյալ գրականության մատենագիտություն: Տրված է նաև Վաշինգտոնում թուրք դեսպանի հայտարարությունը հերքող գիտական ակնարկ (հավանական հեղինակ` Վահագն Դադրյան):
Հայոց ցեղասպանության վերաբերյալ գործող ռուսալեզու լավագույն ինտերնետային կայքերից մեկը: Ներկայացված է Հայոց ցեղասպանության պատմությունը, հարցին առնչվող լուրեր, քարտեզներ, լուսանկարներ, գրքեր և փաստաթղթեր ռուսերեն լեզվով:
