«Հայոց ցեղասպանության թանգարան-ինստիտուտ» հիմնադրամը 2021 թ. օգոստոսի 20-21-ին կազմակերպում է հերթական «Հայոց ցեղասպանության թեմայի ուսուցում» երկօրյա ամառային դպրոցը հայոց պատմություն դասավանդող ուսուցիչների համար:

Ամառային դպրոցին կարող են մասնակցել ՀՀ հանրակրթական և ավագ դպրոցի պատմության ուսուցիչները:

ՀՑԹԻ կրթական ծրագրի նպատակն է վերապատրաստել ուսուցիչներին Հայոց ցեղասպանության թեմայի դասավանդման ժամանակակից մեթոդների կիրառմամբ, խորացնել գիտելիքները Հայոց ցեղասպանության տարբեր ասպեկտների ուղղությամբ՝ հաշվի առնելով թեմայի հոգեբանական առանձնահատկությունները և ցեղասպանագիտության արդի զարգացումները:

Ծրագրում ընդգրկված ուսուցիչները դասընթացի ավարտին կստանան հավաստագրեր:

Դիմումի օրինակ



Հայտերն ուղարկել մինչև ս/թ. հուլիսի 31-ը հետևյալ հասցեով՝ galustyan.regina@genocide-museum.am