15.04.2023
Բանախոս՝ Ինեսա Ստեփանյան, ՀՑԹԻ կրթական ծրագրերի պատասխանատու
Թեմա՝ Հայոց ցեղասպանության հիմնական իրագործող ուժը՝ «Թեշքիլաթ-ը մահսուսա»
Դպրոց՝ Շիրակի մարզի Սարակապի միջնակարգ դպրոց, 8-րդ դասարան
Ապրիլի 15-ին ՀՑԹԻ գիտաժողովների սրահում տեղի ունեցավ դպրոցականների համար մշակված կրթական ծրագրերի 2023 թ. հերթական հանդիպումը: Այս անգամ ՀՑԹԻ-ում հյուրընկալվել էին Շիրակի մարզի Սարակապի միջնակարգ դպրոցի աշակերտները: Նրանք ներկայացված թեմաներից ընտրել էին ՀՑԹԻ կրթական ծրագրերի պատասխանատու Ինեսա Ստեփանյանի «Հայոց ցեղասպանության հիմնական իրագործող ուժը՝ «Թեշքիլաթ-ը մահսուսա» վերնագրով դասախոսությունը: Ինեսա Ստեփանյանը ներկայացրեց Հայոց ցեղասպանության հիմնական իրագործող ուժ հանդիսացող Հատուկ կազմակերպության (Թեշքիլաթ-ը մահսուսա) ձևավորման պատմությունը, կառույցի հիմնական նպատակները և գործառույթներրը: Խոսեց՝ Հատուկ կազմակերպության շարքերում հասարակության, հանցագործ տարրի, ոստիկանական և բանակային ուժերի ներգրավվածության մասին:
Դասախոսության ավարտին աշակերտները հնարավորություն ունեցան հարցեր ուղղելու բանախոսին: Այնուհետև ՀՑԹԻ կրթական ծրագրերի պատասխանատու Ինեսա Ստեփանյանը Հայոց ցեղասպանության թանգարան-ինստիտուտի անունից գրքեր նվիրեց Շիրակի մարզի Սարակապի միջնակարգ դպրոցի գրադարանին:
Կրթական ծրագրի շրջանակներում աշակերտները շրջեցին նաև Հայոց ցեղասպանության թանգարանի ցուցասրահներով, որտեղ ՀՑԹԻ էքսկուրսավար Էլեն Հակոբյանի ուղեկցությամբ ծանոթացան թանգարանային ցուցադրություններին:
