Հիմք ընդունելով «Հայոց ցեղասպանության թանգարան-ինստիտուտ» հիմնադրամի հոգաբարձուների խորհրդի 2019 թվականի մայիսի 18-ի N 3 Հայոց ցեղասպանության թանգարանում բացատրությամբ շրջայցերը վճարովի դարձնելու (բացառությամբ դպրոցահասակ երեխաների) մասին որոշումը, ս.թ. օգոստոսի 1-ից Հայոց ցեղասպանության թանգարանում կգործի հայերեն և օտար լեզուներով բացատրությամբ շրջայցերն ամրագրելու և վճարովի դարձնելու կարգ:

Սահմանվել է բացատրությամբ շրջայցի տոմսերի հետևյալ գնացուցակը.

Հայերենով՝ 2500 դրամ
Օտար լեզվով` 5000 դրամ (ռուսերեն, անգլերեն, ֆրանսերեն, գերմաներեն)

Բացատրությամբ շրջայցի տոմսեր

Հայոց ցեղասպանության թանգարանում բացատրությամբ շրջայցերը անցկացվում են հայերեն, ռուսերեն, անգլերեն, ֆրանսերեն, գերմաներեն լեզուներով երեքշաբթի-կիրակի օրերին (բացառությամբ պետական տոներին) ժամը 10:00-16:20

Բացատրությամբ շրջայց հարկավոր է ամրագրել նախապես` զանգահարելով +37410390981 / 111 հեռախոսահամարով: Շրջայցի տևողությունը 40 րոպեից մինչև 1 ժամ է:

Բացատրությունն ընդգրկում է թանգարանի ողջ ցուցադրությունը՝ ներկայացված 12 ցուցասրահներում:

Օգտակար տեղեկություն

Հարգելի՛ այցելու,

Թանգարանում բացատրությամբ շրջայցն սկսվում է ճիշտ նշանակված ժամին: Նշանակված ժամից 10 րոպե ուշանալու դեպքում Դուք կարող եք կորցնել բացատրությամբ շրջայցին մասնակցելու հնարավորությունը:

Խմբակային այցերի դեպքում մեկ խմբում կարող է լինել առավելագույնը 25 այցելու (25 հոգուց ավելի թույլատրելի է միայն ռադիոգիդերի առկայության դեպքում), բացառությամբ դպրոցական տարիքի երեխաները: Մինչև 13 տարեկան երեխաների համար բացատրություն չի տրամադրվում: