12.02.2015
Հայոց ցեղասպանության թանգարան-ինստիտուտի ժամանակավոր ցուցադրությունների սրահում տեղի ունեցավ Լիդիցեի գեղեցիկ արվեստների միջազգային պատանեկան ցուցահանդեսի մրցանակների հանձման արարողություն: Ողջույնի խոսքով հանդես եկավ ՀՑԹԻ փոխտնօրեն Լուսինե Աբրահամանը:
Հայաստանի Հանրապետությունում Չեխիայի հանրապետության արտակարգ և լիազոր դեսպանս Պետեր Միկիսկան հայտնեց, որ միջազգային պատանեկան ցուցահանդեսին մասնակցում էին 255 հայ երեխաներ, որոնցից տասներկուսը պարգևատրվեցին պատվոգրերով և խրախուսական մրցանակներով:
Լիդիցեի գեղեցիկ արվեստների միջազգային պատանեկան ցուցահանդեսը հիմնվել է 1967 թ` ի հիշատակ Չեխական Լիդիցե գյուղում գերմանացի նացիստների կողմից սպանված և պատերազմի ընթացքում զոհված երեխաների:
Մրցույթը անցկացվում է 4-16 տարեկան մանկապարտեզի, մանկատների, դպրոցների և գեղագիտական զարգացման կենտրոնների երեխաների շրջանակներում, ինչպես Չեխիայում այնպես էլ նրա սահմաններից դուրս:
