13.02.2018


Հայոց ցեղասպանության թանգարան-ինստիտուտի Ռաֆայել Լեմկինի կրթաթոշակային ծրագրի առաջին շրջանավարտ Ռեբեկա Ջինքսի հոդվածը տպագրվել է «Ամերիկյան պատմական հանդեսում» (American Historical Review): Հոդվածը վերնագրված է «Marks Hard to Erase”: The Troubled Reclamation of “Absorbed” Armenian Women, 1919–1927» և նվիրված է Հայոց ցեղասպանության տարիներին հայ կանանց ողբերգական ճակատագրին: Հոդվածը հիմնված է ՀՑԹԻ բացառիկ սկզբնաղբյուրների, ինչպես նաև լուսանկարների վրա:

«Ամերիկյան պատմական հանդեսը» տվյալ գիտակարգում անգլալեզու ամենահեղինակավոր գիտական պարբերականն է աշխարհում` ունենալով ամենաբարձր ազդեցության գործակիցը: Հանդեսն Ամերիկայի պատմական ընկերակցության (American HistoricalAssociation) պաշտոնական հրատարակությունն է: Վերջին տարիներին լույս է տեսնում «Oxford University Press» հրատարակչությամբ:

Հիշեցնենք, որ Ռաֆայել Լեմկինի կրթաթոշակային ծրագիրը հիմնադրվել է Հայոց ցեղասպանության թանգարան-ինստիտուտի կողմից 2011 թ.` իր առջև խնդիր դնելով Հայոց ցեղասպանության ուսումնասիրության ոլորտ ներգրավվել երիտասարդ և հեռանկարային գիտնականներ աշխարհի տարբեր պետություններից:

Ռաֆայել Լեմկին կրթաթոշակային ծրագրի մասին մանրամասն այստեղ՝

http://www.genocide-museum.am/arm/Lemkin-2018.php

http://www.genocide-museum.am/arm/Lemkin-Alumni.php