Ս/թ. մայիսի 11-ին ԵՊՀ Իջևանի մասնաճյուղում տեղի ունեցավ Հովհաննես Թումանյանի ծննդյան 150-ամյակին նվիրված հանրապետական գիտաժողով, որը կազմակերպել էր ԵՊՀ ԻՄ հումանիտար գիտությունների ֆակուլտետի հայոց լեզվի և գրականության ամբիոնը:
Գիտաժողովին մասնակցել է «Հայոց ցեղասպանության թանգարան-ինստիտուտ» հիմնադրամի կրթական ծրագրերի բաժնի վարիչ Քրիստինե Նաջարյանը:
Հովհաննես Թումանյանի ծննդյան 150-ամյակին նվիրված հանրապետական գիտաժողովին Քրիստինե Նաջարյանը ներկայացել է
«Հովհաննես Թումանյանի որբախնամ գործունեությունը ցեղասպանության տարիներին» զեկույցով:
Գիտաժողովին մասնակցում էին պրոֆեսորներ, դոկտորներ ԵՊՀ-ից, ՀՀ ԳԱԱ Մ. Աբեղյանի անվան գրականության, «Հայոց ցեղասպանության թանգարան-ինստիտուտ» հիմնադրամի, ՀՀ ԳԱԱ հնագիտության և ազգագրության ինստիտուտներից գիտնականներ, գիտաշխատողներ, ՀՀ ԳԱԱ Շիրակի հայագիտական հետազոտությունների կենտրոնից, ինչպես նաև Վանաձորի պետական համալսարանից։
Բացման խոսքով հանդես եկան ԵՊՀ ԻՄ հայոց լեզվի և գրականության ամբիոնի վարիչ, բ.գ.թ. Վաչագան Ավագյանը, որից հետո Տավուշի թեմի առաջնորդ գերաշնորհ Տեր Բագրատ եպիսկոպոս Գալստյանը հանապազօրյա աղոթքով ողջունեց ներկաներին՝ բարի գալուստ մաղթելով Մեծ Բրիտանիայից ժամանած հյուրերին:
