20.11.2015
Նոյեմբերի 20-ին ՀՑԹԻ այցելեցին վրացական Մցխեթի քաղաքի քաղաքապետը, քաղաքային խորհրդի ներկայացուցիչներ: Քաղաքապետ Ավթանդիլ Նեմսիցվերիձեն, քաղխորհրդի նախագահ Իլյա Ջիշկարիանին, քաղաքապետարանի մշակույթի և սպորտի գծով մասնագետ Թենգիզ Խուցիշվիլին շրջեցին թանգարանում, ծանոթացան Հայոց ցեղասպանության դրվագների մասին պատմող վկայություններին:
Քաղաքապետ Ավթանդիլ Նեմսիցվերիձեն գրառում թողեց պատվավոր հյուրերի հուշամատյանում:
Էջմիածնի քաղաքապետ Կարեն Գրիգորյանի և փոխքաղաքապետերի ուղեկցությամբ վրացի հյուրերն այցելեցին Ծիծեռնակաբերդի հուշահամալիր, մեկ րոպե լռությամբ հարգեցին անմեղ նահատակների հիշատակը:
Նույն օրը Էջմիածին քաղաքում ստորագրվելու է համագործակցության հուշագիր երկու քաղաքների միջև: Էջմիածինն ու Մցխեթին քույր-քաղաքներ են դառնալու:
